กลอนกะเทาะใจ(สำนวนด้นอีสาน)
“คนนาพิน” komkonloas@gmail.com
“ตำรับรักนักบริหาร”
อ้อนฮัก
ฮักสาวมานานเนิ่นเพลินหัวใจได้ฮักห่อ
อยากไปขอแต่งน้องทองหมั้นกะบ่มีฮู้ว่าน้องฮักพี่หัวใจพี่ลงเสาหลักปักลงกลางหัวใจสองเฮายืนมั่นวันเวลามีให้สองใจหลอมเป็นหนึ่งฮักมีความซาบซึ้งอยากขอน้องแต่งงาน
หัวใจหนาวสะท้านเงินพี่บ่มีหลายรถมอไซต์คันเดียวผ่อนบ่เหมิดย้อนเงินน้อย
หรือผลาของข่อยเกิดมาเดียวอยู่เดี่ยวเดี่ยวเก็บเงินได้มื้อละร้อยมื้อใด๋ข่อยจั่งสิรวย
อ่วยสายตามองเหม่อภาพของเธอมอบมาสู่สัญญานเธอบอกให้ฮู้ไปขอน้องแหน่เด้อ
น้องเผลอไปบอกแล้วพ่อแม่กะใจดีบ่มีเงินกะไปขอบอกกันสัญญาไว้ดนนานไปคนเขาว่าสินินทาบ่ดีดอก
นางบอกให้อ้ายฮู้หลายมื้อได้หวี่วอน ฮักออนซอนมัดเหนียวแน่นเป็นแฟนกันสัญญาบอก
บ่หลอกลวงล่วงให้น้องนางหล้าหน่ายหนี มาเต็มทีฮอดมื้อนี่อ้ายฮู้อยู่ในอุรา
ฮักแลกเงินประเพณีกรอบสังคมวางคั่น ฮักกันสัญญาไว้สังคมวางกรอบ
โบราณสืบทอดขั้นงานตั้งแต่งดอง ความฮักอ้ายและน้องต้องตามกรอบกำหนด เงิน บ้าน ทอง
หรือรถ เฮ็ดประกันสัญญาเจ้า บ่มีหลายหาไว้โฮมใส่กันถึงวันแต่งเอามาแยงก่อนจั่งเว้า
เอามาอ้างให้เผิ่นเห็น บ่แหม่นแนวเฮ็ดเล่น สินสอดใส่พานทอง
ต้องหามาสัญญากันวันแต่งดองกองเข้า ซองประกันหัวใจอ้ายวางข้างกายมอบให้ก่อน
ตอนสองเฮาเข้านั่งห้องจั่งมาเว้าแบ่งปัน ขอเพียงใจน้องนั่นอย่าได้แบ่งเป็นสอง นวลน้องสัญญาใจสินสอดเฮาโฮมไว้
ฮักกันหลายมีของหมั้นของสำคัญคือเงินแต่งค่าดองแพงบอกเพิ่นฮู้ดูดีแล้วจั่งแต่งกัน
วันแต่งงานเอาหน้าบ้านเป็นที่สัญญาฮักหาอาหารดูดีเลี้ยงแขกคนเอาหน้า
ดนตรีเสียงลำซิ่งกลองยาวเอามาแห่ ขันหมากสวยแห่อ้ายเอาหน้าพ่อแม่เฮา อ้อนน้องนางอ้ายบอกเจ้ายามเมื่อสบตา
ขอเพียงนางมีใจฮักผูกพันทุกวันมื้อ
ถือสัญญาสองก้ำสองเฮาพันผูกทุกข์ยากหลายมากน้อยนางน้องเบิ่งใจ
คอยพ่อแม่บ่ได้เผิ่นหายากเงินในเฮือนเดือนละสองสามพันเผิ่นบ่มีรายได้
สินสอดหลายหรือน้อยหามากองน้องกับพี่ ทำงานมาแต่ละมื้อโฮมไว้ได้แต่งดอง
อ้ายมอบใจให้น้องเงินทองแต่งนางเก็บเอา เฮาเอาเงินมาโฮมกันได้ค่าดองทองเส้น
เก็บเงินตราของใช้อดออมเอาเนาว์วันแต่งแพงเงินไว้เด้อน้องแก้วแต่งงานแล้วจั่งว่ากัน
แคร์สังคมคนข้างบ้านผู้เพิ่นเบิ่งยามเฮาเดิน
ญาติกาผองมิตรผู้ฮักแพงแยงเจ้าอ้ายสิเอาหัวใจสู้หาเงินตรามามอบอุ่นแม่คุณเก็บฝากไว้ยามใช่ค่อยกำ
ทำงานนานนางคอยพี่สองเฮามีมื้อสิแต่ง ฮักแฮงแฮงฮอดมื้อนี้เพราะนางน้องฮักจริง น้องเอย
All link
http://putheartonpalm.blogspot.com/ tajaisaifhamue #1